Түбән Каманың «Шәфкать» үзәгендә ведомствоара түгәрәк өстәл уңышлы узды
Кичә Түбән Кама районының «Шәфкать» халыкка социаль хезмәт күрсәтү комплекслы үзәгендә өлкән яшьтәге гражданнарга һәм инвалидларга социаль, медицина һәм хезмәт ярдәме күрсәтү мәсьәләләренә багышланган ведомствоара түгәрәк өстәл узды. Катнашучылар арасында өлкән яшьтәге затларга ярдәм итү белән шөгыльләнүче төрле структуралар вәкилләре бар иде.
Утырышны Түбән Кама муниципаль районының социаль яклау идарәсе башлыгы Светлана Власенко ачып җибәрде.
«Шәфкать» үзәге директоры Гөлназ Исакиева өлкән яшьтәге гражданнарга һәм мөмкинлекләре чикләнгән кешеләргә социаль хезмәт күрсәтү өлкәсендә башкарылган эшләр турында доклад белән чыгыш ясады.
Инвалидлык төркемен рәсмиләштерү тәртибе турындагы доклад белән Түбән Кама шәһәренең үзәк район күппрофильле хастаханәсе вәкиле Елена Воеводина чыгыш ясады.
Психоневрологик диспансерның психиатр-психотерапевты Виктор Мокшин өлкән яшьтәге пациентлар арасында когнитив үзгәрешләр һәм психик сәламәтлек үзенчәлекләре турында мәгълүмат бирде.
Россия Социаль фондының Татарстан Республикасы буенча клиент хезмәте башлыгы урынбасары Екатерина Закирова 2025 елда үз көченә кергән пенсия законнарындагы үзгәрешләрне әйтте.
Мәшгульлек үзәге җитәкчесе Ирина Герасименкова өлкән буын гражданнарны эшкә урнаштыруга юнәлдерелгән чаралар, мәшгульлеккә ярдәм программаларында катнашу һәм пенсионерлар өчен махсус вакансияләр ярминкәләре уздыру турында сөйләде.
Докладчылар аудиториянең күпсанлы сорауларына җавап бирделәр.