Безнең заман герое белән очрашу

Лаеш районындагы «Алтын көз» халыкка социаль хезмәт күрсәтү комплекслы үзәге базасында махсус хәрби операция ветераны белән чираттагы очрашу оештырылды. Очрашуда социаль хезмәтләр алучылар, мәктәп укучылары һәм «Алтын көз» үзәге коллективы катнашты.

Бу сөйләшү генә түгел, ә мөһим вакыйгаларда катнашкан кеше авызыннан тарихны белү мөмкинлеге иде. Айнур Яһудин үзе, сугышчан иптәшләре турында сөйләде.

Айнур Яһудин кышкы спорт төрләре буенча беренче Бөтенроссия Ватанны саклаучылар кубогы, «Батырлар. Татарстан Геройлары» проекты катнашучысы, «Эретеп ябыштыру технологияләре» юнәлеше буенча инвалидлар арасында һөнәри осталык буенча «Абилимпикс» чемпионаты җиңүчесе.