«Ышаныч» үзәгендә инклюзив мастер-класс узды

2025 елның 26 сентябре, җомга

Идел буе федераль округының «Менталь сәламәтлек» проектын гамәлгә ашыру кысаларында 25 сентябрьдә Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә тәрбияләнүчеләр өчен иҗади чара булды.

Яшьләр «Кояш эчтә» инклюзив проекты ярдәмендә чүлмәкчелек сәнгатенең гаҗәеп дөньясына чума алдылар. Мастер-классны инклюзив киңлек җитәкчесе үткәрде. Оста җитәкчелегендә һәр катнашучы балчык белән эшләргә өйрәнде.

Мондый иҗади чаралар менталь үзенчәлекләре булган кешеләр өчен бик зур әһәмияткә ия. Балчык белән эшләү вак моториканы, хәрәкәтләрне координацияләүне һәм иҗади сәләтләрне үстерергә ярдәм итә.