«Ышаныч» үзәгендә «Менталь сәламәтлек» проекты кысаларында экскурсия оештырдылар

2025 елның 11 сентябре, пәнҗешәмбе

10 сентябрьдә Идел буе федераль округының «Менталь сәламәтлек» проектын һәм «Социаль туризм» социаль практикасын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлекчәсе өчен Халыклар дуслыгы йортында урнашкан милли җәмгыятьләр бүлмәләре буйлап экскурсия оештырдылар.

Чара төрле халыкларның гореф-гадәтләрен өйрәнүгә, башка халыкларга карата толерантлык һәм хөрмәт тәрбияләүгә юнәлдерелгән.

Экскурсия барышында катнашучылар берничә җәмгыять вәкилләре белән очраштылар һәм аралаштылар, алар төбәкнең төрле халыкларының традицион мәдәнияте үзенчәлекләре турында сөйләделәр.