Ютазы районында махсус операциядә катнашучыларның әниләрен сөендерделәр

2025 елның 2 сентябре, сишәмбе

Ютазы районының Яссы Тугай авылында авыл халкы һәм кунаклар авылның 100 еллыгын билгеләп үтәргә җыелдылар. Бу көн җылы котлаулар һәм онытылмас мизгелләр белән тулы якты һәм шатлыклы вакыйгага әверелде.

Авыл мәдәният йортында һәркем авыл тарихына чумып, аның үткәнен күрә алырлык күргәзмә оештырылды. Төп мәйданда зур бәйрәм концерты булды.

Бәйрәмгә махсус хәрби операциядә катнашучыларның әниләре, «Гармония» халыкка социаль хезмәт күрсәтү комплекслы үзәге карамагындагы Рәсимә Зарипова һәм Нәсимә Әхмәтова чакырылган иде. Аларга зур булмаган бүләкләр һәм чәчәк бәйләмнәре тапшырылды.