Бөтенроссия хезмәтне саклау атнасы сентябрьдә Сочида узачак
15–18 сентябрьдә «Сириус» университеты X Бөтенроссия хезмәтне саклау атнасын кабул итәчәк. Быел «Халыкны саклау – тотрыклы үсеш гарантиясе» темасына багышланган форум гадәттәгечә барлык кызыксынган белгечләр өчен үз ишекләрен ача. Бөтенроссия хезмәтне саклау атнасын оештыручы – Россия Федерациясе Хезмәт һәм социаль яклау министрлыгы, оператор – Росконгресс фонды.
Төп чаралар – Яшьләр көне, кече һәм урта эшмәкәрлек көне һәм масштаблы күргәзмә – теркәлгәннән соң бушлай карау өчен ачык.
15 сентябрьгә планлаштырылган Яшьләр көне белгечләрнең яңа буыны өчен уникаль шартлар тудыра. Көн программасы хезмәтне саклауны цифрлы трансформацияләү буенча гамәли сессияләрне, тармакның әйдәп баручы экспертларыннан мастер-классларны, идарә компетенцияләрен үстерү буенча интерактив тренингларны һәм реаль җитештерү кейсларын тикшерүне берләштерә.
Параллель рәвештә кече һәм урта эшмәкәрлек көне узачак, ул бизнес хуҗаларына һәм хезмәтне саклау буенча белгечләргә куркынычсызлык системасын нәтиҗәле оештыру өчен гамәли кораллар тәкъдим итәчәк.
Зур күргәзмәдә Россия һәм халыкара җитештерүчеләр хезмәтне саклау өлкәсендәге инновацион эшләнмәләрне тәкъдим итәчәк.
Яшьләр көнендә, кече һәм урта эшмәкәрлек көнендә һәм күргәзмәдә катнашу өчен форумның рәсми сайтында теркәлү узу да җитә.
Эшлекле программа белән Бөтенроссия хезмәтне саклау атнасы сайтында танышырга мөмкин.