Чын күңелдән ярдәм

Ютазы районының «Гармония» халыкка социаль хезмәт күрсәтү комплекслы үзәге карамагындагы балалар ял итә торган ишегалды лагеренда махсус операция сугышчылары өчен коры паеклар ясау буенча гадәти булмаган мастер-класс узды.

Балалар махсус операциядә катнашучылар өчен коры ашлар әзерләү белән шөгыльләнүче волонтерлар офисында булдылар, ашлар, чәй әзерләүдә катнаштылар. Балалар шулай ук солдатларга матур теләкләр яздылар.

Әзер аш җыелмалары һәм хатлар махсус хәрби операция зонасына җибәреләчәк. Балалар бу ярдәм хәрбиләр өчен мөһим ярдәм билгесе булыр дип ышана.