Мәшгульлек хезмәте махсус хәрби операциядә катнашучыларга хезмәт эшчәнлеген дәвам итәргә булыша
Халыкны эш белән тәэмин итү үзәге махсус хәрби операциядә катнашучыларга эшкә урнашу, укыту һәм социаль адаптация өчен яңа мөмкинлекләр табарга ярдәм итә. Уртак тырышлык нәтиҗәсендә бу категория дәгъвачылары Кораллы Көчләрдә хезмәт иткәннән соң җәмгыятькә тулысынча интеграцияләнә ала.
Һәр МХО катнашучысы өчен эш эзләү планы эшләнә, ул һөнәри юнәлеш бирү тестын һәм кирәк булганда яңадан укытуга юнәлтүне үз эченә ала.
Түбән Камадан Ф. Зарипов «Барс» отрядына беренчеләрдән булып кушыла. Фронттан кайткач, ул махсус операция зонасына гуманитар йөк китерергә ярдәм иткән, ә аннары яңа һөнәр үзләштерергә карар кылган. Мәшгульлек үзәгендә аңа туры килерлек эш эзләүдә ярдәм иткәннәр һәм «Татспецнефтехимремстрой» трестына эшкә урнашуга юллама биргәннәр. Ир-ат предприятиегә слесарь-ремонтчы булып урнашкан.
Махсус хәрби операциядә катнашкан Нурлат районыннан В. Сафиуллин да халыкны эш белән тәэмин итү үзәгенә ярдәм сорап мөрәҗәгать иткән. Анда аңа социаль адаптация, һөнәри юнәлеш бирү, психологик ярдәм һәм эшмәкәрлек эшчәнлеген башлауга ярдәм итү кебек дәүләт ярдәме чаралары күрсәтелгән. Май аенда ир-ат үзмәшгульлеген рәсмиләштергән һәм хәзер үсемлекчелек һәм терлекчелек өлкәсендә хезмәт күрсәтә.