Алексеевск социаль приюты балалары өчен спорт-сәламәтләндерү чарасы

2025 елның 18 июле, җомга

Алексеевск районында балалар һәм яшүсмерләр өчен «Кайгырту» социаль приюты тәрбиячесе Татьяна Безроднова тәрбияләнүчеләр белән «Балыкчы көне» спорт-сәламәтләндерү чарасы үткәрде. Чара балыкчы һөнәре белән танышуга, бергәләп вакыт үткәрү барышында сәламәт психологик климат булдыруга юнәлдерелгән.

Балыкчылар көне уңаеннан балалар чын балыкчы ялы оештырырга булдылар. Балалар балык тотты, табигать кочагында ял итте. Балык тоту балаларга бик күп күңелле тәэсирләр бүләк итте, буш вакытларын төрлеләштерде.