Мәшгульлек үзәге белгечләре өчен МХО ветераннарын эшкә урнаштыру мәсьәләләре буенча укулар үткәрелде
Халыкны эш белән тәэмин итү үзәге хезмәткәрләренең махсус хәрби операция ветераннарын эшкә урнаштырганда комплекслы озатып йөрүне оештыру буенча һөнәри эшчәнлектә кирәкле компетенцияләрен камилләштерү максатында 26 июньнән 4 июльгә кадәр «Халыкны эш белән тәэмин итү үзәге хезмәткәрләренең МХО ветераннары белән эш нигезләре» программасы гамәлгә ашырылды.
Укулар В. Г. Тимирясов исемендәге Казан инновацион университеты базасында узды. Укытучылар сыйфатында «Гагара» кризиска каршы психологик әзерлек һәм психологик ярдәм үзәге җитәкчесе, экстремаль психология өлкәсендә эксперт, бизнес-тренер Татьяна Синицына, шулай ук ТР Хезмәт, халыкны эш белән тәэмин итү һәм социаль яклау министрлыгының профильле бүлекләре белгечләрен җәлеп ителде.
Уку барышында тыңлаучылар МХО ветераннарын эшкә урнаштырганда комплекслы озата баруның үзенчәлекләрен һәм психологик аспектларын өйрәнделәр, аларга мәшгульлек өлкәсендә дәүләт ярдәме чараларын күрсәткәндә консультация бирү күнекмәләрен формалаштырдылар, психологик ярдәм һәм социаль интеграцияне оештыру үзенчәлекләрен, шулай ук МХО ветераннарын комплекслы озата бару һәм мәшгульлеккә ярдәм итү мәсьәләләре буенча ведомствоара хезмәттәшлек проблемаларын карадылар.
Курсның 27 тыңлаучысы уку программасын уңышлы үзләштерде.