Гаилә көннәрендә 240 артык ата-ана катнашты

2025 елның 25 июне, чәршәмбе

Бүген республиканың тернәкләндерү үзәкләрендә чираттагы ачык гаилә / ата-ана көннәре узды. Чарада 242 ата-ана катнашты.

Түбәндәге мәсьәләләр турында фикер алыштылар:

- яңа уку елында мәгариф оешмаларына керү үзенчәлекләре;

- инвалид балаларның җәйге ялын оештыру;

- салым ташламалары;

- ата-аналарны яңадан әзерләү курслары оештыру һ. б.

Ата-аналар өчен шулай ук төрле мастер-класслар үткәрелде. Гражданнарга консультатив ярдәмне сәламәтлек саклау, мәгариф өлкәләре, мәшгульлек үзәге, иҗтимагый берләшмәләр белгечләре күрсәтте.