Өйрәтү дәресләре үсеш үзенчәлекләре булган балаларга җайлашырга ярдәм итә
Махсус ихтыяҗлары булган балаларны социаль адаптацияләүгә юнәлдерелгән «Инвалид балалар тәрбияләүче гаиләләргә ярдәм» региональ чаралар комплексын гамәлгә ашыру кысаларында менталь инвалидлыгы булган биш бала өчен көндезге тору төркемендә «Ризык әзерләгәндә гигиена кагыйдәләре» дәресе узды. Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Ирина Кожевникова оештырган дәрес теоретик блок һәм практик күнегүләрдән гыйбарәт иде.
Чара кухняда санитария нормалары һәм гигиена кагыйдәләре турында мәгълүмати материаллар күрсәтүдән башланды. Балалар ризык әзерләгәндә эш киңлеген оештыруның мөһим аспектларын үзләштерделәр. Дәреснең практик өлешендә балалар ингредиентлар әзерләүдә катнаштылар.
Ирина Кожевникова балаларның акрынлап кулинария күнекмәләрен үзләштерү мөһимлеген билгеләп үтте. Мондый чаралар сәламәтлеге мөмкинлекләре чикләнгән балаларда файдалы көнкүреш гадәтләрен формалаштырырга һәм мөстәкыйльлекне үстерергә мөмкинлек бирә. Даими дәресләр балаларның социальләшүен яхшыртуга ярдәм итә.
Чара Авыр тормыш хәлендә калган балаларга ярдәм фонды гранты акчаларына сатып алынган җайланмаларны кулланып үткәрелде.