«Изгелек» тернәкләндерү үзәгендә куркынычсызлык турында дәрес уздырдылар

2025 елның 20 июне, җомга

Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәт алучылар «Тормыш иминлеге» темасына тренинг дәресендә булдылар. Чара юл һәлакәтләрен профилактикалауга, шәхси һәм әйләнә-тирәдәгеләрнең иминлеген тәэмин итү өчен җаваплылыкны үстерүгә юнәлдерелгән.

Сугыш хәрәкәтләрендә катнашучы белән бергә социаль хезмәтләр алучылар табышмакларга җавап бирделәр, юлларда һәм төрле тормыш ситуацияләрендә куркынычсыз тәртип турындагы мәкальләрне искә төшерделәр.

Тренинг дәресендә биш кеше катнашты.