«Шәфкать» үзәге карамагындагылар медицина хезмәткәре һөнәре белән таныштылар
9 июньдә «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы Алена Овсейчик һөнәри юнәлеш бирү кысаларында яшүсмерләр өчен Түбән Кама медицина көллиятенә бару оештырды.
Уку йорты хезмәткәрләре Лилия Никитина һәм Илнара Головина балалар өчен танып-белү экскурсиясе оештырдылар, белгечләр әзерләүнең төрле медицина юнәлешләре турында җентекләп сөйләделәр һәм заманча уку аудиторияләрен күрсәттеләр.
Яшүсмерләр укыту-методик материаллар һәм көллиятнең заманча җиһазлары белән таныштылар. Процедура кабинетында кунакларга инъекцияләр ясарга өйрәтү процессын күрсәттеләр. Көллият китапханәсе балаларны медицина әдәбиятының зур фонды белән таң калдырды.
Чара күңелле сюрприз белән тәмамланды: медицина көллияте студентлары балаларга канцелярия кирәк-яраклары тапшырдылар, моның өчен аларга чын күңелдән рәхмәт белдерделәр.