27 май көнне Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Үсешләрендә кимчелекләре булган балаларны гаиләдә тәрбияләү үзенчәлекләре» темасына балалар–ата-аналар тренингы узды.
Чара барышында катнашучылар балаларда эре моториканы үстерүнең мөһимлеге, шулай ук бу процесста нинди уеннар һәм күңел ачулар ярдәм итә алуы турында белделәр. Тренинг ата-аналарга гаилә белән вакытны күңелле һәм гаиләнең һәр әгъзасы өчен файдалы итеп үткәрү идеяләре бирде.
Ата-аналарның эчке ресурсларын саклауга һәм торгызуга багышланган мастер-класс аеруча кызыксыну уятты.
Мондый очрашулар балаларын тернәкләндерү юлында ата-аналарның мотивациясен һәм уңай кәефне саклауда мөһим роль уйный.