«Кайгырту» үзәге «Ветеранга кунакка» акциясенә кушылды

2025 елның 23 апреле, чәршәмбе

«Ветеранга кунакка» Бөтенроссия акциясе кысаларында Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору бүлеге белгечләре 93 яшен тутырган тыл хезмәтчәне Шәмсикамал Муллахмәтовага бардылар. Олы яшьтә булуына карамастан, ул авыр сугыш елларын һәм сугыштан соңгы елларны, олылар белән беррәттән колхозда эшләгән елларны, илнең җимерелгән халык хуҗалыгын ничек торгызырга туры килгәнен яхшы хәтерли.

Социаль хезмәт алучылар Шәмсикамал Муллахмәтовага рәхмәт белдерделәр, бүләк тапшырдылар.