Татарстан Республикасында «Абилимпикс» хәрәкәтен үстерү турында
2016 елдан Татарстан Республикасында «Абилимпикс» хәрәкәте үсеш ала, аның максаты инвалид һәм сәламәтлек мөмкинлекләре чикләнгән кешеләрнең социаль инклюзиясен үстерү, аларның үзбилгеләнүчәнлеген арттыру, үз-үзен үстерү, шулай ук аларның хезмәт мәшгульлегенә ярдәм итү.
9 ел эчендә төбәк һәм милли дәрәҗәдәге ярышларда 14 яшьтән өлкәнрәк 5 500 инвалид һәм сәламәтлек мөмкинлекләре чикләнгән затлар катнашты.
2024 ел Татарстан Республикасында «Абилимпикс» хәрәкәте өчен әһәмиятле булды. Төбәк чемпионаты 15 апрельдән 17 майга кадәр республиканың 13 шәһәрендә 35 конкурс мәйданчыгында узды. Чемпионат 50 милли һәм 67 төбәк компетенциясе буенча уздырылды. Катнашучылар саны рекордлы саннарга җитте – 1 391 кеше, шул исәптән 515 мәктәп укучысы, 466 студент һәм 410 белгеч.
2024 елгы илкүләм чемпионат нәтиҗәләре буенча Татарстан җыелма командасы 66 медаль (26 алтын, 22 көмеш, 18 бронза) яулап, гомумкоманда зачетында икенче урынны алды.
2024 елның мөһим вакыйгасы – Татарстан Республикасында күп санлы авыр тайпылышлары, шул исәптән психик тайпылышлары булган кешеләр өчен беренче «Мөмкинлекләр фестивале». Фестиваль беренчел база һөнәри күнекмәләрне үстерергә, күрсәтелгән категория гражданнарның социаль мәшгульлегенә ярдәм итәргә мөмкинлек бирә.
Фестиваль республиканың 9 шәһәрендә узды. Чарада 395 кеше, шул исәптән балалар йортларында һәм интернатларда тәрбияләнүче 99 бала катнашты.
Татарстан Республикасында шулай ук «Абилимпикс» эксперт берләшмәсен үстерү буенча актив эш алып барыла.
2025 елда «Абилимпикс» төбәк чемпионаты 10 марттан 14 апрельгә кадәр уза. Ярышлар республиканың 15 шәһәрендә «Абилимпикс»ның 37 махсуслаштырылган компетенция үзәге базасында, 130 компетенция буенча узачак.
Региональ чемпионатта катнашучылар саны 1 600 дән дә ким түгел. Беренчел бәяләүләр буенча ярышларда «мәктәп укучылары» категориясендә 543, «студентлар» категориясендә 551, «белгечләр» категориясендә 508 конкурсант катнашачак.
Хәзерге вакытта эш тәртибендә 50 төп һәм 80 төбәк компетенциясе билгеләнгән.
2025 елда Татарстан Республикасында «Абилимпикс» чемпионат хәрәкәте чаралары планы