Шушы көннәрдә Питрәч районының «Шатлык» балалар һәм яшүсмерләр өчен социаль приютында тәрбияләнүчеләр Казан милли тикшеренү технология университетында һөнәри юнәлеш экскурсиясендә булдылар. Чара «Һөнәр сайлауга юл» һөнәри юнәлеш бирү программасын гамәлгә ашыру кысаларында, «Аструм (Йолдызлык)» халыкның социаль якланмаган катламнарына ярдәм итү үзәге җитәкчесе Ләйсән Миназова ярдәмендә оештырылды.

13 мартта Лениногорск районының «Исток-Башлангыч» халыкка социаль хезмәт күрсәтү комплекслы үзәге социаль педагогы Оксана Лямова социаль хезмәт алучылар белән балалы гаиләләргә социаль ярдәм чаралары күрсәтү мәсьәләләре буенча мәгълүмати-аңлату әңгәмәсе үткәрде.

Әлмәт шәһәренең «Ветеран» инвалидларны тернәкләндерү үзәгенең социаль хезмәт алучылары мөһим эштә катнашты. Инициатива һәм гражданлык җаваплылыгын күрсәтеп, алар махсус хәрби операциядә катнашучылар ихтыяҗлары өчен маскировка челтәрләре ясадылар.

Менә ике ел инде Яр Чаллы шәһәренең «Кояшкай» мөмкинлекләре чикләнгән балалар һәм яшүсмерләр өчен тернәкләндерү үзәгендә иртә ярдәм хезмәте эшли. Ул мәктәпкәчә мәгариф учреждениеләренә йөрми торган, үсешләрендә кимчелекләре ачыкланган сабый һәм кечкенә яшьтәге балаларны тәрбияләүче гаиләләргә психологик-педагогик һәм социаль ярдәм күрсәтү өчен оештырылган.