Эльмира Зарипова тыл хезмәтчәнен 100 яшьлек юбилее белән котлады
Бүген министр Эльмира Зарипова Биектау районыннан Сафиннар гаиләсендә кунакта булды. Бу гаиләдә 2017 елның августында Шәмсеруй Низаметдинова да яши. Сафиннар аны Татарстанда «Гаилә» илкүләм проектының «Өлкән буын» федераль проекты буенча гамәлгә ашырыла торган «Өлкән кешене тәрбиягә алган гаилә» проекты кысаларында үзләренә алганнар.
Шәмсеруй Низаметдинова Биектау районының Казаклар авылында туа. Бөек Ватан сугышы елларында ул урман кисүдә эшли, сугыштан соң колхозга эшкә урнаша һәм пенсиягә чыкканчы бригадир булып эшли. Шәмсеруй апа – тыл хезмәтчәне, икенче группа инвалид.
Министр белән бүгенге очрашуның сәбәбе бик күркәм иде – Шәмсеруй апага 100 яшь тулды.
Үзенең юбилеенда Шәмсеруй апа туган көне белән котлаулар гына түгел, бүләкләр дә алды – Бөек Ватан сугышында Җиңүнең 80 еллыгы уңаеннан юбилей медале һәм «Биектау районының мактаулы гражданины» билгесе.