«Ышаныч» тернәкләндерү үзәгендә үзенчәлекле балалар белән эшләүнең яңа төрен керткәннәр

2025 елның 27 феврале, пәнҗешәмбе

Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә көндезге тору төркемендә аутистик спектры бозылган һәм менталь тайпылышлы балалар белән эшләүнең яңа ысулы – нарат һәм чыршы күркәләре кулланып уен массажы кертелде.

Бала өчен уен – эшчәнлекнең төп төре. Күркәләр белән уйнап, бала кул бармакларының вак моторикасын мөстәкыйль рәвештә үстерә, сенсор үсешен һәм танып белү эшчәнлеген баета, сөйләм аралашуын үстерә.