Изге эш – Ватанга хезмәт итү

2025 елның 24 феврале, дүшәмбе

20 февральдә Ютазы районының «Гармония» халыкка социаль хезмәт күрсәтү комплекслы үзәге карамагындагылар «Изге эш – Ватанга хезмәт итү» дигән тантаналы чарада катнаштылар. Ул район халкы өчен якты вакыйгага әверелде.

Анда катнашучыларны район башлыгы Аяз Шәфигуллин котлады. Җыелганнар алдында солистлар һәм районның иҗат коллективлары чыгыш ясады. Якты концерт программасына патриотик җырлар һәм бию номерлары кертелгән иде.

Шулай ук барлык катнашучылар һәлак булган геройларны бер минут тынлык белән искә алдылар. Батырлык ордены махсус хәрби операция барышында хезмәт бурычын үтәгәндә һәлак булган сугышчының гаиләсенә тапшырылды.