Спас интернат-йортында хәрби-спорт эше айлыгы уза

2025 елның 21 феврале, җомга

Ватанны саклаучылар елы, «Актив озын гомерлелек» программасын тормышка ашыру кысаларында Спас өлкәннәр һәм инвалидлар интернат-йортының социаль хезмәт алучылары тәрбияче Ирина Телицына белән «Дулкын» спорт-сәламәтләндерү комплексының тренажер залында булдылар.

Барысы да бик рәхәтләнеп теннис, бильярд уйнадылар, йөгерү юлында, велотренажерда, көч тренажерларында шөгыльләнделәр, гер күтәрделәр.

Мондый күнегүләр координацияне, тигезлекне, осталыкны үстерүгә юнәлдерелгән – болар барысы да сәламәтлекне ныгыта, физик активлыкны арттыра, кәефне күтәрә.