«Өмет чаткысы» үзәге чаңгы узышына кушылды

2025 елның 10 феврале, дүшәмбе

Узган ялларда Арча районында узган спорт чарасында төрле яшьтәге өлкәннәр һәм балалар катнашты. Мөмкинлекләре чикләнгән балалар һәм яшүсмерләр өчен «Өмет чаткысы» тернәкләндерү үзәгендә тәрбияләнүчеләр дә читтә калмады. Ярышларда җиде бала, биш хезмәткәр һәм җиде ата-ана катнашты.

Чара ахырында оештыручылар барлык чаңгычыларны грамоталар һәм бүләкләр белән бүләкләделәр. Үзәктә тәрбияләнүчеләр ярышлардан уңай эмоцияләр алды. Бүләкләүдән соң чарада катнашучылар коймак белән чәй эчтеләр.

Мондый чаралар балаларны спортка тарта, яшь буынның сәламәт яшәү рәвешенә ярдәм итә.