«Астра» үзәге директоры «Ак халатлы фәрештәләр» фестивалендә катнашты

2025 елның 10 феврале, дүшәмбе

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәге директоры Галина Калашникова 1 февральдән 12 февральгә кадәр Татарстан Республикасында уза торган «Ак халатлы фәрештәләр» фестивалендә катнашты.

Фестивальнең төп максаты – мәктәп укучыларын һәм көллият укучыларын медицина һәм социаль белгечлекләр буенча югары белем алуның өстенлекләре һәм мөмкинлекләре белән таныштыру һәм булачак һөнәрләрен билгеләргә ярдәм итү.

Казан дәүләт медицина университетының фәнни-популяр лекцияләр циклы кысаларында Галина Калашникова балалар тернәкләндерү үзәге шартларында социаль эшне оештыруның гамәли тәҗрибәсе белән уртаклашты. Ул инновацион проектлар, социаль учреждение коллективындагы бай тормыш турында сөйләде.