Түбән Камада профилактик акция уздырдылар

Түбән Кама районының «Шәфкать» халыкка социаль хезмәт күрсәтү комплекслы үзәгенең социаль эш буенча белгече Айгөл Яхонт шәһәрнең социаль участокларының берсендә «СПИДка юк дип әйт» акциясе уздырды. Чара яшьләрнең үз сәламәтлегенә һәм әйләнә-тирәдәгеләрнең сәламәтлегенә карата җаваплы мөнәсәбәт формалаштыруга юнәлдерелгән иде.

Акция барышында белгеч яшьләргә кешелекнең иң җитди авыруларының берсе турында сөйләде. Катнашучыларга ВИЧ-инфекция йоктыру юллары, йоктыру куркынычы һәм дәрәҗәсе турында мәгълүмат бирелде, шулай ук ВИЧ-инфекцияне профилактикалау ысуллары белән таныштылар.

Яшьләрнең игътибарын проблемага җәлеп итү өчен аларга мөһим мәгълүмат һәм профилактика буенча киңәшләр тупланган мәгълүмати листовкалар тараттылар.