Лениногорск халкына үзмәшгуль статусының өстенлекләре турында сөйләделәр

2025 елның 29 гыйнвары, чәршәмбе

2025 елга «Гаилә» милли проектының максатчан күрсәткечләренә ирешү чараларын гамәлгә ашыру кысаларында 28 гыйнварда Лениногорск районының «Исток-Башлангыч» халыкка социаль хезмәт күрсәтү комплекслы үзәгенең социаль эш буенча белгече Регина Фомина түбән керемле һәм эшсез гражданнар белән очрашу оештырды. «Ничек үзмәшгуль булырга?» темасына чара халыкны эш белән тәэмин итү үзәгендә узды.

Катнашучыларга үзмәшгульлекнең нәрсә икәнен, үзмәшгульлек статусын ничек алырга һәм теркәлү өчен нинди документлар кирәклеген сөйләделәр. Хокукый аспектларны да карадылар – үзмәшгуль кешенең рәсми статусы үз-үзенә законлы эшләргә мөмкинлек бирә.

Чарада катнашучылар үзләрен кызыксындырган сорауларны бирделәр һәм җаваплар алдылар.