«Хыял» балалар приютында тәрбияләнүчеләр ялгыз өлкән кешеләрне игътибар белән чолгап алдылар

2025 елның 28 гыйнвары, сишәмбе

Аксубай районының «Хыял» балалар һәм яшүсмерләр социаль приютында тәрбияләнүчеләр – «Импульс» волонтерлар отряды, шулай ук «Беренчеләр хәрәкәте»ннән яшьләр, көрәкләр алып, ялгыз картларга ярдәмгә киттеләр.

Бердәм, төгәл һәм оешкан төстә эшләделәр. Кыска гына вакыт эчендә балалар йорт яны территорияләрен, ишегалларын кардан чистарттылар.

Иреклеләр киләчәктә дә мохтаҗ өлкәннәргә, инвалидларга һәм ветераннарга ярдәм итәргә ниятлиләр.