2024 елда 5,9 мең татарстан гаиләсе социаль контракт төзегән
Татарстан ярлылыкның түбән дәрәҗәсе буенча лидерлар рәтенә керә. 2023 ел нәтиҗәләре буенча Татарстан Республикасында ярлылык дәрәҗәсе 4,6 %, ягъни 184,8 мең кеше тәшкил итә. Гомумроссия күрсәткече 8,5 % тәшкил итә. Республика 4 нче урынны алып тора (1 нче урында – Ямал-Ненец АО (3,6 %), 2 нче урында – Санкт-Петербург (4,4 %), 3 нче урында – Мәскәү (4,5 %)).
Социаль контракт ярлылык проблемаларын хәл итүдә иң нәтиҗәле корал булып тора. Республикада 2024 елда 5,9 мең гаилә социаль контракт төзелгән. Контрактларның 90 % гражданнарның мәшгульлеген тәэмин итүгә юнәлдерелгән.
Гаиләләр үз үсешләрендә нык торалар: чәчтарашханә, тегү һәм ремонтлау остаханәләре ачалар, косметология, җитештерү, автомобиль хезмәтләре күрсәтәләр, ярдәмче хуҗалык алып баралар, электрон сәүдә белән шөгыльләнәләр.
Социаль контрактларны гамәлгә ашыру нәтиҗәсендә гражданнарның 63 % ярлылыктан чыккан.