«Изгелек» үзәгендә физкультура-савыктыру чарасы уздырдылар

Бүген Яр Чаллы шәһәренең «Изгелек» инвалидларны тернәкләндерү үзәгендә Фән һәм техника атналыгы кысаларында физкультура-савыктыру чарасы узды. Анда көндезге тору бүлегенең социаль хезмәт алучылары катнашты.

Чара ике программа буенча узды. Фәнни өлеш кысаларында викторина үткәрделәр. Программаның спорт өлеше ярыш эстафеталарын уздырудан гыйбарәт иде. Барлык катнашучылар, ә бу сигез кеше, күтәренке рух алдылар, үзләренең физик сыйфатларын яхшырттылар, фән һәм техника турындагы белемнәрен киңәйттеләр.