Яр Чаллы кадрлар үзәге проекты бөтенроссия конкурсында иң яхшысы дип танылды
Яр Чаллының «Россия эше» кадрлар үзәге III Мәшгульлек өлкәсендә һөнәри осталыкның бөтенроссия конкурсында җиңүчеләр арасында. Бүләкләү тантанасы 13 декабрьдә Мәскәүдә узды.
«Гаилә хакына» категориясендә 1 урынны яулаган «Уңышлы хатын-кызның стратегиясе һәм тактикасы» хатын-кызлар клубы» проекты күпбалалы һәм ялгыз аналарга, шулай ук мәктәпкәчә яшьтәге балаларның әниләренә һөнәри үз-үзләрен танытуга ярдәм итүгә юнәлдерелгән. Проектның төп идеясе – хатын-кызларны аралашу һәм тәҗрибә уртаклашу өчен кызыксыну буенча берләштерү, шулай ук хатын-кыз эшмәкәрләр арасында үзара ярдәм итү өчен киңлек булдыру.
Клуб утырышларында катнашучылар үз эшләрен ачарга карар кылган хатын-кызларга ярдәм итүдә мәшгульлек хезмәтенең роле турындагы эксперт фикерләре белән уртаклашалар. Алар уңышлы кейслар һәм хатын-кызлар бергәлегенең уникальлеге, товарлар һәм хезмәтләрне алга этәрүдә заманча трендлар, шулай ук уңышның шәхси тарихлары турында сөйлиләр.
17 декабрьдә Яр Чаллыда узып баручы елның йомгаклау чарасы булачак «Хатын-кызлар уңыш тактикасы» төбәкара стратегик сессиясе узачак.