Зәйдә волонтерларны котладылар
Берничә ел дәвамында Зәй районындагы «Шатлык» социаль хезмәт күрсәтү комплекслы үзәге белгечләре «Профи-стиль» политехник көллиятенең волонтерлар отряды белән актив хезмәттәшлек итә. Волонтерлык хәрәкәте составына керүче яшьләр күпбалалы, тулы булмаган, аз керемле гаиләләрдәге, шулай ук инвалид балалар тәрбияләүче гаиләләрдәге ата-аналарга һәм балаларга ярдәм итүгә юнәлдерелгән профилактик чараларда актив катнашалар.
Волонтерлар социаль акцияләр һәм чаралар үткәрүдә катнашалар, шулай ук яшьләр арасында волонтерлык идеяләрен актив рәвештә алга сөрәләр. Аларның эшчәнлегенең төп юнәлешләре конкрет социаль проблемаларны хәл итүгә юнәлдерелгән төрле чаралар оештыруны һәм уздыруны үз эченә ала.
Халыкара волонтер көнен бәйрәм итү кысаларында «Шатлык» үзәге белгечләре аеруча актив волонтерларны котладылар, аларның казанышларын рәхмәт хатлары һәм «#МинВолонтер» билгесе белән билгеләп үттеләр.