Зәйдә социаль проектны гамәлгә ашыру тәмамланды
2024 ел башыннан 30 ноябрьгә кадәр Зәй муниципаль районында «Игелекле ярдәмчес» социаль проекты гамәлгә ашырылды, ул гражданлык җәмгыятен үстерүгә Татарстан Республикасы Рәисе грантларын бирү конкурсында җиңү нәтиҗәсендә грант ярдәме алды. Проект «Шатлык» халыкка социаль хезмәт күрсәтү комплекслы үзәге хезмәткәрләре тарафыннан, Зәй муниципаль районының Ветераннар (пенсионерлар) җирле иҗтимагый оешмасы белән берлектә әзерләнгән һәм гамәлгә ашырыла.
«Игелекле ярдәмче» проекты Зәйдә ялгыз өлкән яшьтәге кешеләргә ярдәм итүдә мөһим адым булды. 2024 ел дәвамында «Пульс» отрядыннан 15 актив геронтоволонтер өйдә социаль хезмәт алучыларга төрле ярдәм күрсәтте. Бу вакыт эчендә бик күп чаралар оештырылды, алар ике як өчен дә бик күп уңай хис-кичерешләр һәм файдалы багланышлар китерде. Проект чаралары белән 90 өлкән яшьтәге социаль хезмәт алучылар колачланды.
Ялгыз өлкән яшьтәге кешеләр көнкүрештә практик ярдәм генә түгел, ә яхшы кәефне һәм кирәклек тойгысын саклап калу өчен кирәкле зур игътибар һәм кайгырту да алдылар. Шуның белән бергә, проект өлкән яшьтәге кешеләр арасында тәҗрибә һәм белем алмашу өчен менә дигән мөмкинлек бирде, бу җирле бергәлек эчендә элемтәләрне ныгытырга ярдәм итте.
Волонтерлар, үз чиратында, үзләре ярдәм иткән кешеләрдән кыйммәтле тәҗрибә һәм рәхмәтләр алдылар.
Хәзер «Игелекле ярдәмче» проектына йомгак ясау һәм аны 2025 елга озайту турында планнар төзү вакыты җитте. «Шатлык» үзәге хезмәткәрләре проект өлкәннәрнең тормыш сыйфатын яхшырту рәвешендә конкрет нәтиҗәләр генә китереп калмыйча, өлкәннәргә һәм сәламәтлек мөмкинлекләре чикләнгән кешеләргә ярдәм итү өчен эшнең яңа юнәлешләрен формалаштыру өчен алшартлар да тудырды дип өметләнәләр.