Геройлар янәшәдә
Түбән Камада чын герой – 2022 елның көзендә үз теләге белән махсус хәрби операциягә киткән Фәнил Корбангалиев яши. Рядовой званиесендә ул штурм отрядларының берсенә керә, Ватан мәнфәгатьләрен яклауның мөһим миссиясен үз өстенә ала.
МХОда аңа «Фаня» кушаматы биргәннәр. Сугыш хәрәкәтләре барышында ир-ат үзенең батырлыгын берничә тапкыр күрсәткән. Моның өчен аны медаль белән бүләкләгәннәр. Әмма 2023 елның ноябрендә Авдеевка штурмы вакытында Фәнил Корбангалиев авыр яралана. Башта ул Мәскәүдә дәвалана, аннары Санкт-Петербургта аңа ике катлаулы операция ясыйлар һәм кыйпылчыкларны чыгаралар. Хәзер ул Казан шәһәренең хәрби госпиталендә тернәкләнү уза. Фәнил барлык табибларга квалификацияле медицина ярдәме күрсәткәннәре өчен рәхмәтле һәм тизрәк терелүгә өметләнә.
Бу вакыт эчендә Фәнил Корбангалиевка гаиләсе һәм туганнары ярдәм итә. Ир-ат бөтен кеше өчен тынычлык турында хыяллана.
Фәнил Корбангалиев сугыш хәрәкәтләре ветераны статусына ия һәм дәүләт тарафыннан тиешле барлык ташламаларны һәм түләүләрне ала. Аның тормыш иптәше җәмәгать транспортында бушлай йөрү хокукыннан файдалана.