Инвалидлар декадасы яхшылык эшләргә омтылуда берләштерә

2024 елның 4 декабре, чәршәмбе

Халыкара инвалидлар көненә Яр Чаллы шәһәренең «Ышаныч» халыкка социаль хезмәт күрсәтү комплекслы үзәге социаль хезмәт алучылар өчен хәйриячедән азык-төлек җыелмалары әзерләде. Шулай ук учреждение «Үз кулың белән яхшылык кыл» акциясе үткәрде – социаль хезмәткәрләр көче белән өлкән яшьтәге гражданнарның инвалидларның өйләрендә генераль җыештыру оештырылды.

Бөтендөнья хәйрия көне уңаеннан даими хәйрияче Рәмис Хәбибрахманов социаль хезмәтләр алучыларга 14 азык-төлек җыелмасы тапшырды.