Казанлыларны махсуслаштырылган вакансияләр ярминкәсенә чакыралар

2024 елның 3 декабре, сишәмбе

Татарстан Республикасы халыкны эш белән тәэмин итү хезмәте Халыкара инвалидлар көненә багышланган махсуслаштырылган вакансияләр ярминкәсенә чакыра.

Чара 10 декабрьдә 12:00 дән 15:00 кә кадәр «Мега» сәүдә үзәгендә (Казан, Җиңү пр., 141) узачак.

Эш эзләүчеләр шәһәр оешмаларында һәм предприятиеләрендә мөмкин булган вакансияләр һәм буш эш урыннары турында белә, кадрлар хезмәте хезмәткәрләре белән шәхсән аралаша һәм хезмәт законнары һәм мәшгульлек мәсьәләләре буенча консультация ала алачак.