Буа интернат-йортында кулинария түгәрәге үз эшен дәвам итә

2024 елның 25 ноябре, дүшәмбе

Буа өлкәннәр һәм инвалидлар интернат-йортында «Кулинария клубы» түгәрәгенең чираттагы дәресе узды. Бу юлы социаль хезмәтләр алучылар үзләренең гүзәл парлары өчен десерт әзерләделәр һәм бизәделәр.

Түгәрәк дәресләрендә интернат-йортта тәрбияләнүчеләр үзләренең кулинар фантазияләрен чынга ашыралар, бер команда булып эшлиләр, бер-берсенә киңәш һәм эш белән ярдәм итәләр. Мондый чаралар өлкән яшьтәге кешеләрнең хезмәт күнекмәләрен торгыза, иҗади сәләтләрен активлаштыра, дустанә мөнәсәбәтләр һәм уңай кызыксынулар булдыра.