«Өмет чаткысы» үзәгенә кунаклар килде

2024 елның 21 ноябре, пәнҗешәмбе

Россия Махсус Олимпиадасының Татарстан республика төбәк бүлеге белгечләре Арчадагы мөмкинлекләре чикләнгән балалар һәм яшүсмерләр өчен «Өмет чаткысы» тернәкләндерү үзәгендә булдылар.

Төбәк бүлеге белгечләре һәм волонтерлары үзәк белгечләрен һәм ата-аналарны «Безнең сәламәтлек» инклюзив гаилә клубы эшчәнлеге белән таныштырдылар һәм үзләренең практик тәҗрибәләре белән уртаклаштылар. Әти-әниләргә өйдә физкультура-савыктыру дәресләрен оештыру буенча методик әсбаплар, ә тернәкләндерү үзәгенә спорт инвентаре җыелмасы бүләк иттеләр.

Кунаклар мастер-класс үткәрделәр. Бу күнегүләрне өй шартларында да башкарып була.