«Чишмә» социаль хезмәт күрсәтү үзәгендә сәламәтлек көне

«Ярдәм кулы» программасы кысаларында Теләче районындагы «Чишмә» халыкка социаль хезмәт күрсәтү комплекслы үзәгенең көндезге тору төркемендә сәламәтлек көне узды. Чараны социаль педагог Ләйсән Хөсәенова үткәрде.

Дәреснең максатлары: спортның төрле төрләре белән таныштыру, спорт белән шөгыльләнүгә уңай мөнәсәбәт формалаштыру, сәламәт яшәү рәвеше турында күзаллауны ныгыту.

Педагог сәламәт яшәү рәвешенең мөһимлеге, аның һәр кеше тормышындагы роле турында сөйләде. Шулай ук социаль хезмәтләр алучылар өчен районның төрле спорт объектлары белән танышу өчен экскурсия үткәрелде.