«Астра» үзәге җитәкчесе бөтенроссия фәнни-гамәли конференциясендә катнашты

2024 елның 8 ноябре, җомга

Кичә Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәге җитәкчесе Галина Калашникова «1000 беренче көн: балаларга һәм аларның гаиләләренә иртә ярдәм» II Бөтенроссия фәнни-гамәли конференциясендә катнашты. Чара Санкт-Петербург шәһәрендә узды.

Конференциядә Россия Федерациясе субъектларында иртә ярдәм системасын оештыру тәҗрибәсе, балаларның иртә үсеше турында алдынгы интегратив технологияләр, үзенчәлекле балалар белән эшләүнең гамәли алымнары һәм ысуллары, ата-аналарга һәм гаиләләргә ярдәм итүнең нәтиҗәле ысуллары тәкъдим ителде.

Конференциядә комплекслы тернәкләндерү, абилитация һәм иртә ярдәм системасында эшләүче оешмалар, министрлыклар һәм ведомстволар җитәкчеләре катнашты.