«Чишмә» үзәгендәге көндезге тору төркеме өчен чираттагы файдалы очрашу

2024 елның 30 октябре, чәршәмбе

Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы Фәния Гайнетдинова «Ярдәм кулы» программасы кысаларында көндезге тору төркемендә социаль хезмәт алучылар белән дәрес үткәрде.

Катнашучыларны фельдшер һөнәре, һөнәрнең барлыкка килү тарихы белән таныштырдылар. Социаль хезмәтләр алучылар файдалы гадәтләргә, беренче ярдәм күрсәтү күнекмәләренә ия булдылар. Фельдшер барлык теләүчеләргә кан басымын һәм температураны үлчәде, шулай ук моны ничек дөрес эшләргә икәнен күрсәтте.

Дәрес азагында кеше организмын һәм сәламәтлеген ныгытуга юнәлдерелгән әңгәмә үткәрелде.