«Өмет утравы» үзәгенең көндезге тору төркемендә иҗади дәрес уздырдылар

2024 елның 25 октябре, җомга

Чираттагы дәрестә «Өмет утравы» комплекслы үзәге базасында оештырылган көндезге тору төркемдә катнашучылар гипс сыннар буяу белән шөгыльләнделәр. Иҗатның бу төре арт-терапия ролен үти, үз хисләреңне буяулар аша белдерергә ярдәм итә.

Фигуралар бизәү вак моториканы үстерә. Тыныч һәм күңелле эш тынычландыра, бик күп уңай хис-кичерешләр бүләк итә.

Социаль-көнкүреш җайлашу программасы кысаларында белгечләр яшьләргә рәсем ясаганда тәртип саклау кагыйдәләрен искә төшерделәр. Эш тәмамлангач, һәр катнашучы инструментларын юды, эш урынын тәртипкә китерде.