Министрлыкта онлайн-тавыш бирүгә чыгару өчен максатлар исемлеген билгеләделәр
Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгының Иҗтимагый советы утырышы узды. Чарада катнашучылар, алар арасында ТР Иҗтимагый палатасы, Министрлык каршындагы Иҗтимагый совет әгъзалары, проект экспертлары, ведомство вәкилләре, 2025 елга максатлар турында фикер алыштылар, алар киләчәктә ачык онлайн-тавыш бирүгә чыгарылачак.
Ел ахырына кадәр экспертлар татарстанлылар белән берлектә Министрлык эшенең аеруча мөһим юнәлешләрен һәм киләсе елга максатларын билгеләячәкләр. Республикада яшәүчеләрнең тәкъдим ителгән максатлар һәм бурычлар өчен тавыш бирү генә түгел, үз вариантларын да тәкъдим итү мөмкинлеге булачак.
Министрлыкның ачык максатларын формалаштыру буенча тәкъдимнәр экспертлардан 29 сентябрьгә кадәр кабул ителде. 4 октябрьдә эксперт сессиясе барышында килгән максатлар турында фикер алыштылар, Иҗтимагый совет утырышында карау өчен исемлек төзеделәр.
2024 елда ачык онлайн-тавыш бирүгә бүген Иҗтимагый совет сайлаган 15 максат чыгарылачак. Алар ведомство эшчәнлегенең төп өлкәләренә кагыла: халыкны эш белән тәэмин итү, хезмәтне саклау, халыкка социаль хезмәт күрсәтү һәм социаль яклау, шул исәптән МХОда катнашучыларга һәм аларның гаилә әгъзаларына социаль ярдәм күрсәтү, өлкән буын гражданнарның ялын оештыру мәсьәләләре һ. б.
Гражданнарны сораштыру һәм алга таба онлайн-тавыш бирү нәтиҗәләрен тикшерү нәтиҗәләре буенча Иҗтимагый совет 2025 елга Министрлыкның 5-7 өстенлекле бурычын билгеләячәк.