Скандинавия йөреше – физик активлыкның бер төре
«Сәламәтлек сукмагы» проекты кысаларында Мамадыш районының «Кайгырту» халыкка социаль хезмәт күрсәтү комплекслы үзәгенең социаль-тернәкләндерү бүлеге, көндезге тору бүлеге хезмәтләреннән файдаланучылар өчен шәһәрнең үзәк урамында Скандинавия йөреше буенча фестиваль оештырдылар. Чарага шулай ук йөрү техникасын карау һәм маршрут буенча йөрүгә кушылу өчен яңа кешеләр дә кушылды.
Башта район үзәк хастаханәсенең профилактика кабинеты хезмәткәре Любовь Ибраһимова Скандинавия йөреше белән шөгыльләнүнең әһәмияте турында сөйләде. Аннары социаль хезмәт күрсәтү үзәге белгечләре гадәти булмаган бию хәрәкәтләре рәвешендә разминка үткәрделәр һәм йөрү техникасын күрсәттеләр. Барлык катнашучылар да чарадан күтәренке кәеф алды.
Районда барлыгы 900 пар Скандинавия таягы сатып алынган.