Казанның тернәкләндерү үзәге белгечләре Лаештан хезмәттәшләре белән тәҗрибә уртаклаштылар
Кичә, 18 сентябрьдә, Казанның «Восхождение» инвалидларны тернәкләндерү үзәгендә стажировка мәйданчыгында «Эрготерапия» темасына өченче сессия узды. Стажировка мәйданчыгында Лаеш муниципаль районындагы мөмкинлекләре чикләнгән балалар һәм яшүсмерләр өчен тернәкләндерү үзәге белгечләре катнашты.
Ун елдан артык «Восхождение» үзәге мультидисциплинар-командалы якын килү форматында классик, заманча практикада кабул ителгән «Эрготерапия» тернәкләндерү технологиясен тормышка ашыра. Тернәкләндерү үзәге белгечләре социаль адаптация, мөмкинлекләре чикләнгән балаларның көндәлек тормышта, продуктив эшчәнлектә, уенда активлыкларын тормышка ашыруда бәйсезлек формалаштыруга юнәлдерелгән мөһим тернәкләндерү технологиясен тормышка ашыруның методологик алымнарын өйрәнделәр.
Ситуацион кейсларны тикшерү процессы барлык катнашучыларны мавыктырды. Төркемнәрдә эшләү кыска һәм озак вакытлы максатларны формалаштыру принципларын, эрготерапевтик программаларны һәм максатларга ирешү шартларын үзләштерергә мөмкинлек бирде. Җанлы фикер алышу, оптималь чишелешләр эзләү алынган белемнәрне һәм булган һөнәри тәҗрибәне системалаштыруга ярдәм итте. Нәтиҗәдә стажировкада катнашучылар алган белемнәрен һәм күнекмәләрен үз эшләрендә кулланырга әзер булдылар.