Учреждение белгечләре өчен техник тернәкләндерү чараларын куллану буенча семинар үткәрелде
Заманча техник тернәкләндерү чаралары инвалидларны медик-социаль тернәкләндерүнең мөһим компоненты булып тора, алар тормыш эшчәнлеген чикләү дәрәҗәсен киметергә һәм өлкән яшьтәге кешеләрнең һәм инвалидларның социаль активлыгын арттырырга мөмкинлек бирә.
Хәзерге вакытта техник тернәкләндерү чараларының шактый күп төрләре җитештерелә, аларның билгеләнешен һәм кулланылышын халыкка социаль хезмәт күрсәтү өлкәсендә эшләүче һәм инвалидларга социаль хезмәт күрсәтүче белгечләргә ачыкларга кирәк. Социаль хезмәтләр алучылар белән эшләү заманча ТТЧ турында белемнәрне, шулай ук өлкәннәргә һәм инвалидларга әлеге чараларны куллану һәм куллануны контрольдә тоту кагыйдәләре турында мәгълүмат бирә белүне таләп итә.
10–11 сентябрьдә Министрлыкның Республика ресурс үзәге базасында «Заманча техник тернәкләндерү чаралары» программасы буенча семинар узды. Семинар кысаларында тыңлаучылар өчен 7 нче шәһәр клиник хастаханәсе базасында практик дәресләр оештырылды.
Семинарда тармакның 29 белгече катнашты.