«Шәфкать» үзәгендә террорчылыкка каршы тематикага чаралар циклы уздырдылар
3 сентябрьдә Түбән Кама районының «Шәфкать» халыкка социаль хезмәт күрсәтү комплекслы үзәгендә Террорчылыкка каршы көрәштә теләктәшлек көненә багышланган тематик чаралар узды.
Көндезге тору бүлегендә белгеч Оксана Пещерова «Беслан кайтавазы» хәтер сәгате үткәрде. Хезмәт буенча инструктор Галия Петрова катнашучылар белән бергә террорчылыкка каршы тематикага плакатлар ясадылар. Чара «Тормыш тамчысы» бөтенроссия акциясендә катнашу белән тәмамланды.
Өйдә хезмәт күрсәтү бүлегенең социаль хезмәткәрләре социаль хезмәт алучылар белән теракт корбаннары истәлегенә багышланган интерактив дәресләр үткәрде. Тоткынлыкка алыну куркынычы булганда үз-үзеңне тоту кагыйдәләре турында фикер алыштылар.
«Неутомимые романтики» иҗат коллективының һәм «Тамаша» чуваш фольклор коллективының концерт номерлары Беслан фаҗигасе корбаннары истәлегенә багышланды. Артистлар социаль-тернәкләндерү бүлегенең социаль хезмәтләр алучылары алдында чыгыш ясадылар.
Гаиләгә һәм балаларга социаль ярдәм бүлекчәсе белгече Алевтина Коровина «Сугышсыз дөнья» рәсем конкурсы оештырды. Балигъ булмаган катнашучылар экстремизм куркынычы турында белделәр һәм үз фикерләрен рәсемнәрдә белдерделәр.