«Ышаныч» үзәгенең балта эше остаханәсендә яңа проектка керештеләр
Яр Чаллының «Ышаныч» халыкка социаль хезмәт күрсәтү комплекслы үзәгендә менталь тайпылышлары булган инвалидларны социаль хезмәт белән тәэмин итүне оештыру буенча «Балта эше остаханәсе» проектын гамәлгә ашыру бара. Остаханәдә социаль хезмәт алучылар куллары белән даими рәвештә төрле сувенирлар, кул эшләре, агачтан эшләнмәләр ясала.
Россиядә Гаилә елы кысаларында көндезге тору бүлегенең социаль хезмәтләр алучылары яңа проектны тормышка ашырырга керештеләр – агач ваза ясау, ул ата-аналар өчен искиткеч бүләк һәм өй интерьерының матур декоры булачак.
Балта эше остаханәсендә дәресләр тәрбияләнүчеләрдә хезмәт күнекмәләрен формалаштыруга, хезмәткә мотивация формалаштыруга һәм арттыруга, ә иң мөһиме – үзен кирәкле һәм үз эшчәнлеге белән файда китерә торган җәмгыятьнең файдалы әгъзасы буларак инвалид статусын күтәрүгә ярдәм итә.