«Шатлык» үзәгендә инклюзив остаханәнең чираттагы дәресе узды
3 сентябрьдә Зәй районының «Шатлык» халыкка социаль хезмәт күрсәтү комплекслы үзәге базасында «Типография» инклюзив остаханәсе» программасын гамәлгә ашыру кысаларында дәрес узды. Социаль хезмәт алучылар принтер белән таныштылар.
Башта социаль хезмәт алучылар үткән материалны искә төшерделәр, ә аннары яңа темага күчтеләр. Катнашучылар принтерның эш принципларын өйрәнделәр, төрле типтагы принтерлар һәм аларның үзенчәлекләре турында белделәр. Алар шулай ук документларны бастыруга әзерләү процессы белән таныштылар, шул исәптән принтер сайлау, күчермәләр санын билгеләү һәм документны алдан карау.
Дәреснең аерым өлеше агымлы принтерларда бастыру өчен кулланыла торган буяуга багышланды.
Сорауларга җавап биреп һәм практик биремнәрне үтәп, бүлектә тәрбияләнүчеләр теоретик белемнәрен ныгыттылар. Бу аларга материалны яхшырак үзләштерергә һәм аны эштә кулланырга ярдәм итте. Катнашучылар текст һәм график материалларны бастыру өчен кирәкле параметрларны көйли алдылар. Бу мөһим күнекмә, ул киләчәктә сыйфатлы полиграфия продукциясе булдырырга ярдәм итәчәк.