Минзәлә интернат-йортында «Солдатка өй токмачы» дигән акция уздырдылар

2024 елның 29 августы, пәнҗешәмбе

Минзәлә өлкәннәр һәм инвалидлар интернат-йортында «Солдатка өй токмачы» акциясе узды. Учреждение хезмәткәрләре анда актив катнашты. Хуҗабикәләр рәхәтләнеп токмач кистеләр. Безнең сугышчылар өчен посылка күңелле сюрприз булачак.

«Токмач юлда бозылмаячак, ә сугыш шартларында ул теләсә нинди шулпаны тәмләтәчәк, сугышчыларга көч һәм оптимизм өстәячәк», – диләр интернатта.

Шушы көннәрдә яратып әзерләнгән продукт чираттагы гуманитар конвой белән алгы сызыкка китәчәк.