Алабугада илдә иң яхшы химик анализ лаборантын билгеләделәр

2024 елның 23 августы, җомга

«Иң яхшы химик анализ лаборанты» номинациясендә Пермь краеннан Анна Мезенцева җиңде. Аннага Татарстаннан, Волгоград, Киров, Ленинград, Оренбург, Ростов, Тамбов, Томск һәм Тула өлкәләреннән, Красноярск һәм Хабаровск крайларыннан, Ханты-Манси автономияле округыннан – Юградан 15 кеше көндәшлек күрсәтте.

Сынаулар 19 августтан 23 августка кадәр Татарстанның «Алабуга» махсус икътисадый зонасында узды – бу 30дан артык предприятие һәм 20 меңнән артык эш урыны.

Яхшылардан иң яхшылары түбәндәгеләр булдылар:

1 урын – Анна Мезенцева, Пермь крае;

2 урын – Надежда Власова, Томск өлкәсе;

3 урын – Татьяна Крапчетова, Волгоград өлкәсе.

Җиңүчегә – 1 млн сум, икенче урын өчен – 500 мең сум, өченче урын өчен 300 мең сум тапшырылачак.